Нийгэмшихүйн чадвар хөгжүүлэх багц ном

Сэтгэлийн хат ном нь хүүхдэд бэрхшээлийг даван туулах чадварыг олгох юм. Эцэг эх, асран хамгаалагчийнхаа хувьд бид хүүхдүүдээ хайрлан халамжилж анхаарал тавин, өдөр тутмын хэрэгцээг нь хангаж өгдөг. Харамсалтай нь бас бидэнд хичээгээд ч өмнөөс нь хийж өгч чадахгүй зүйл гэж бий.
Тэр бол өөртөө итгэх итгэл, хүнд хэцүүг даван туулах чадвар, бэрхшээлд бууж өгөхгүй байх сэтгэлийн хат юм. Гэхдээ бид эдгээр чанарыг хүүхдэдээ бий болгохын тулд өөрийн биеэр үлгэрлэн тусалж чадна.
 Оролдлого сайт оройд нь гэдэгчлэн мэриймтгий зан чанартай хүүхдүүд зоригтой, сониуч, асуудлыг шийдэх чадвартай, өөртөө итгэлтэй, дасан зохицох чадвартай байдаг. Эдгээр чадвар нь амьдралын туршид тохиолдох олон саад бэрхийг даван туулахад хамгийн чухал дэм болдог.

“Чи намайг Би чамайг ойлгоно” ном нь хүүхдэд бусдыг ойлгох, хүндлэх чадварыг олгоно.

Уг номын агуулга нь хүүхдэд сайхан сэтгэл, нинжин сэтгэл, хүлээцтэй байдал, хүндлэл, бусдыг ойлгож хайрлахын жаргал мөн дээрэлхүү зангийн талаар таниулах юм.
Бусдыг ойлгож, бусдын оронд өөрийгөө тавьж үзэн, энэрч хайрлах сэтгэлтэй байна гэдэг хамгийн эрхэм чанар юм. Бид бүгд үр хүүхдээ мундаг, амжилттай, аз жаргалтай амьдраасай гэж хүсдэг. Харин тэд минь аз жаргалтай амьдрахад эмпати чадвартай буюу эргэн тойрон хүрээлэл, гэр бүл, найз нөхөд гээд бүр танихгүй хэн нэгнийг хүртэл хайрлан энэрч, ойлгон тусалдаг болсоноор жинхэнэ АЗ ЖАРГАЛЫГ мэдэрнэ шүү дээ. Та санал нийлж байна уу?
 Хүүхдийнхээ төвшинд тохирохоор доошлон сууж эгцлэн хараад бодол сэтгэлийг нь сонсдог, тэднийхээ оронд өөрийгөө тавин ойлгож мэдэрдэг, харилцан ярилцдаг эцэг эхчүүддээ зориулав 

Мэдрэмжийн тухай ярилцъя ном нь хүүхдэд сэтгэл хөдлөлөө удирдах чадвар олгох ном юм. Хүүхэд ямар ч сэтгэлийн хөдөлгөөнийг буруу эсвэл ичгүүртэй гэж бодох ёсгүй. Хэрэв ингэвэл дотоод дуу хоолой нь сөрөг болох гэмтэй.
Тиймээс энэхүү ном нь хүүхдэд сэтгэл хөдлөлийн тухай ойлгуулах, түүнд яагаад ийм мэдрэмж төрж байгааг тайлбарлаж өгөх, шалтгааныг нь дарамт шахалтгүйгээр нээлттэй ярилцахад эцэг эх, асран халамжлагч, сурган хүмүүжүүлэгч эсвэл эмч мэргэжилтэн гээд бүх хүнд л хөтөч нь болох зорилготой юм.

Найзаа чиний СУПЕР хүч юу вэ ном нь хүүхдэд өөртөө итгэх итгэлийг чадварыг олгох юм.  Өөртөө итгэх итгэлийг хүн амжилт, үзэж туулсан амьдралдаа тулгуурлан  сэтгэл зүрхэндээ бий болгодог. Товчоор хэлбэл чадвартай, үнэ цэнтэй хүн гэдэгтээ итгэх бат итгэлийг хэлж байгаа юм. Амьдрал биднийг цаг мөч тутамд амжилт болон бүтэлгүйтлээр сорьж байдаг ч өөртөө итгэх итгэлийн ачаар бид замаасаа хазайлгүй явж, асуудалд уян хатан, зоригтой ханддаг.

 Тиймээс энэхүү ном нь хүүхдүүдийг өөртөө итгэж сурахад нь туслах эрхэм зорилготойгоор бичигдсэн билээ. Тэр тусмаа өөрийгөө олон зүйлийг хийж чадахгүй гэж боддог, түүнээсээ болоод хичээж үзэх хүсэл нь ч унтарчихсан жаалуудад зориуллаа.

 Найз аа, чиний супер хүч юу вэ?” ном дээрх энгийн даалгавраар дамжуулан, хүүхдүүдийн аливааг хийж байсан туршлага дээр тулгуурлаж “өөртөө итгэх хүчтэй” болгох юм. Амжилт амжилтаа дууддаг. Тиймээс нэг нэгээр нь аливаа зүйлийг сурч, супер хүчээ нэмсээр хүүхэд өөртөө гүн бат итгэдэг болох хүртэл үргэлжлүүлээд л байгаарай 

Бамбаруушхан минь санааг чинь зовоогоод байгаа зүйлс хэр том юм бэ? ном нь хүүхдийн санаа зовсон түгшүүртэй байдлыг арилгах ном юм. Сэтгэл түгшээж санаа зовоосон бодлууд, стресс болон айдсаа удирдаж даван туулах тухай хүүхэд багачуудад зориулсан ном юм. Үргэлж ямар нэг зүйлд санаа зовж байдаг хүүхдүүдэд маш тустай шүү.
 Хүүхдүүд хэзээ ч ямар нэг зүйлд санаа зовох ёсгүй. Тэдний хийх ёстой зүйл нь сониучирхах, шинийг эрэлхийлэх юм.